6 na agila pinakawalan sa Makiling Forest Reserve

Mariz Laksamana, ABS-CBN News

Posted at Aug 01 2017 11:31 AM

LAGUNA - Malayang nakalipad sa natural nilang tahanan ang 6 na serpent eagle matapos pakawalan sa Makiling Forest Reserve, Lunes.

Ayon sa Department of Environment and Natural Resources, ang 6 na agila ay ilan lamang sa mga nailigtas ng ahensya. "These animals are lucky kasi yung ibang kasama niyan hindi na nakasurvive pagdating sa amin dahil sa gunshot wounds, 'yung iba galing sa illegal trade," saad ni Glenn Maguad, beterinaryo ng DENR.

Ayon sa mga opisyal ng DENR, sa Makiling pinakawalan ang mga agila dahil sa maayos na kalagayan ng gubat at bundok.

"Sa buong ASEAN (Association of Southeast Asian Nations), may humigit kumulang 2,000 na protected areas, ang Mt. Makiling ay nasa number 33," sabi ni Nathaniel Bantayan, direktor ng Makiling Center for Mountain Ecosystems.

"Sabi nga ng Food and Agriculture Organization, exemplary ang forest management sa Mt. Makiling," dagdag niya.

Ayon sa DENR ang serpent eagle ay kabilang sa mga threatened species na nasa Pilipinas.

Bisitahin ang Patrol.PH para sa iba pang mga balita.