2 drug suspek, patay sa raid sa South Cotabato

Jay Dayupay, ABS-CBN News

Posted at May 18 2018 03:57 PM

Sa pagamutan na ito sa Barangay Poblacion dinala ang isa sa dalawang suspek na nanlaban umano nang maghain ng search warrant ang awtoridad.

SANTO NIÑO, South Cotabato - Dalawa ang kumpirmadong patay sa operasyon ng awtoridad, Biyernes ng umaga.

Ayon sa pulisya, naghain sila ng 6 na search warrants sa bayan pero napatay sa operasyon ang mga suspek na sina Henry Vera, 57-anyos, at isang Edgar Porras, 49-anyos.

Nanlaban umano ang mga suspek. Mariin naman itong itinanggi ng kanilang mga pamilya.

Giit nila na hindi umano nanlaban ang mga suspek at wala rin sa target watchlist ng Municipal Police Station ang mga napatay.

Bisitahin ang Patrol.PH para sa iba pang mga balita.