Arestadong 'Tokhang' rapper, itinangging kaniya ang drogang nasamsam

ABS-CBN News

Posted at Apr 12 2018 05:11 PM | Updated as of Apr 12 2018 09:20 PM

Watch more in iWantv or TFC.tv

Itinanggi ng naarestong rapper na si Zaito na pag-aari niya ang mga ilegal na drogang nakuha sa kaniyang bahay sa Kawit, Cavite.

"'Di sa'kin 'yon, naiwan ng tropa 'yon eh. 'Di ko alam kung sinong tropa may galit sa'kin at ginawa 'yon," sabi sa ABS-CBN News ni Zaito nitong Huwebes.

Nahuli si Zaito noong Martes, Abril 10, nang halughugin ng Cavite police ang kaniyang bahay matapos makatanggap ng sunod-sunod na sumbong mula sa mga kapitbahay.

Nakuha sa kahon ng gatas ang tatlong sachet ng shabu.

Kilala sa larangan ng Fliptop o rap battle si Zaito, o Pedro Canon Jr., na isa rin sa mga kumanta ng "Oplan Tokhang" jingle ng Philippine National Police.

Nakatakdang magpiyansa si Zaito, na sinampahan ng kasong illegal possession of drugs.

-- Ulat ni Jerome Lantin, ABS-CBN News

Bisitahin ang Patrol.PH para sa iba pang mga balita.