Mga militante hiniling ang pagpapalaya ng political prisoners

Henry Atuelan, ABS-CBN News

Posted at Mar 07 2018 01:40 PM | Updated as of Mar 07 2018 02:13 PM

MANILA - Napilitan ang pulisya na isara ang Gate 1 ng Kampo Crame sa EDSA dahil sa kilos protestang isinagawa ng mga militanteng grupo, Miyerkoles ng umaga. 

Pinangunahan ng mga grupong Karapatan at Gabriela ang pangangalampag sa harap mismo ng kampo ng Pambansang Pulisya para sa pagpapalaya ng mga bilanggong politikal. 

Binanatan rin ng mga nagprotesta ang pananaw ng kasalukuyang administrasyon na kalaban ang mga indibidwal at grupong pumupuna sa mga maling gawain ng mga opisyal ng pamahalaan.

Hindi rin pinalampas ng mga militante ang isyu ng karapatang pantao na binabalewala umano ng administrasyong Duterte, gayundin ang tax reform law na nagpapataas ng presyo ng mga bilihin.

Bisitahin ang Patrol.PH para sa iba pang mga balita.