Closing statement of Rep. Rudy Fariñas

ABS-CBN News

Posted at May 29 2012 02:10 AM | Updated as of May 29 2012 10:10 AM

Good afternoon, Mr. President and the honourable members of the Senate sitting in impeachment.

Narinig po natin yong depensa, mga alegasyon nila at mismong ang mga pahayag ni Chief Justice noong sya po ay nagsalita dito noong Martes at saka Biyernes. Medyo anti-climactic nga po ng konti dahil yong summation narinig naman po natin mula sa bibig ni Chief Justice Renato Corona mismo. Yong depensa po ni Chief Justice Corona I can put it in one word. Pwede ko pong sabihin po sa isang salita, palusot.

Ang alegasyon po ni Chief Justice ay ang kasong ito laban sa kanya ay dala ng matinding galit at paghihiganti sa kanya. Tama po sya na kami ay may matinding galit subalit maling-mali po sya kung ano yong ikinakagalit namin. Hindi po kami galit sa pagkatao ni Chief Justice, galit lamang po kami sa ginagawa nyang katiwalian bilang pinuno ng Hudikatura na dapat sana ay syang maging huwaran para sa ating lahat na nasa gobyerno.
Hindi po kami nag-aksaya ng panahon, mahabang oras sa loob ng halos limang buwan, pag-aralan lahat ang mga ebidensya namin, ihanda ang aming mga testigo, batikusin at minsan-minsan napagsasabihan dito na para kaming mga bata. Nagsasakripisyo po kami sa aming mga pamilya para lamang maging kasangkapan diumano ng paghihiganti ng Pangulo ng Pilipinas sa personal na isyu ng Hacienda Luisita. Tiniis po namin lahat ito gaya rin po ng malaking pagtitiis ng mga kagalang-galang na Senador dahil po sa pagpapatupad po namin sa aming sumpa na kami po ay tatalima at itataguyod namin ang Saligang Batas. Naglakas loob po kami na panagutin at nais patalsikin ang pinaka makapangyarihan na tao sa Hudikatura dahil ito lamang ang tanging paraan para mabawi ng taumbayan ang opisinang ipinagkatiwala sa kanya.

Ang pangalawang palusot po ni Chief Justice ay yong sinabi po nya na noong P2.00 pa lamang ang palitan ng dolyar noong late 60’s, sya at ang kanyang maybahay ay namili na ng mga dolyar dahil matibay po ito kaysa piso natin. Noong narinig po ni Pangulong Enrile ang sinabi ni CJ Corona, hindi nya napigilan ang sarili nya para kumpirmahin kay CJ Corona kung anong taon yon.

Sagot ni CJ Corona, eto po ang transcript:
“CHIEF JUSTICE. Ang exchange rate po noong mag-umpisa kaming mag-ipon nitong mga foreign exchange na ito noong late 60’s ay nasa two to one pa lamang.
THE PRESIDING OFFICER. How much?
CHIEF JUSTICE. Two to one po noong mag-umpisa po kaming mag-ipon ng mga dollars namin. Two to one po pa lang ang exchange rate.
THE PRESIDING OFFICER. When was that, Mr. Chief Justice?
CHIEF JUSTICE. Mga late 60’s po dahil ako po ay nagsimulang magtrabaho 1960. Ngayon po ay halos 45 to 1 na ang exchange rate kung natatandaan po ninyo.
THE PRESIDING OFFICER. Are you sure that late 60s or early 60s? /ala
REP. FARIÑAS. ... early 60s?”
Sagot po ni Chief Justice, “Late 60s.”
The Presiding Officer, “That is after 1965?”
“Opo”

Alam po ni Presidente Enrile kung ano ang palitan ng dolyar noong mga panahon na yon dahil siya po ay Undersecretary of Finance noong 1966 hanggang 1968. Naging Customs Commissioner po siya at Insurance Commissioner, at pagkatapos po ay naging Secretary of Justice.

Totoo ba yung paliwanag ni Chief Justice?

Chief Justice Corona graduated from Ateneo de Manila University in 1970 and at its law school 1974. I know because he was one year ahead of me both in the College of Arts and Sciences and, as well as in the College of Law. Thus, he graduated in high school in 1966 and in elementary in 1962.

Noong 1962 po, and palitan po ng dolyar sa piso ay P3. Yan po. Yung isang dollar ay P3.60 po. The exchange rate, if we are to believe Chief Justice Corona that he started saving US dollars when the rate was 2 to 1, such could have only been between the years 1948 to 1959. He wants us to believe that when he was in Grade 4 in 1959, he was such a visionary that he already started buying dollars.

The exchange rate in 1969 when Renato Corona was in fourth year college was P3.90 to the US dollar. Maliwanag po na palusot at pagsisinungaling sa Senado at sa buong mundo.

Pangatlong palusot, last Friday, when CJ Corona was asked by Senator Cayetano how much money he had in the bank. He admitted of having, at the very least, $2,400,000 and P80 million.

Chief Justice wants us to believe that he did not declare this in his SALN because of Republic Act 6426, as advanced by my esteemed colleague. But Republic Act 6426 took effect on April 4, 1972 or almost 15 years before the 1987 Constitution mandated such filing of SALNs. It was only in the—Dito lamang po sa 1987 Constitution, wala po sa 1935, wala po sa 1973 Constitution yung kautusan ng Saligang Batas na tayo magdeklara ng ating assets and liabilities.

Kaya nga po, pursuant to Section 17, Article of the Constitution, Republic Act 6713, otherwise known as the “Call of Conduct and Ethical Standards for Public Officials and Employees” was enacted into law in February 20, 1989. It provides all the following, ito po ang sinasabi ng batas, “Statements and Disclosure. Two documents shall contain information on the following: Letter c,” nakalagay po dito kung ano dapat ilahat po natin doon, “all other assets, such as investments, cash on hand or in banks, stocks, bonds and the like.” Very clear po dito sa batas na nagpapatupad sa Constitution na ating deklarasyon po, maski pera po sa baul o bangko, kailangan ideklara po natin.

Nasabi po nung kabila na yung kanilang witness o kanilang authority na hindi naman po hinarap sa atin dito ay wala pa siyang nakitang SALN na may nakadeklara na dollar. Hindi naman po kasi kailangang sabihin mong dollar ay pwede mo nang i-convert e. Halimbawa po ay kung ang cash on hand mo is may $100,000 ka, e di pwede mong ilagay na 4.5 million kung yon ang palitan. You don’t have to say it is in dollars.
Kaya lang po, si Chief Justice ay nagpapalusot po sa 6426 na sinabi ko na nga po 15 years pa po na napasa yung batas na yon. Napakaliwanag po ng ating batas.

Tingnan po ninyo sa ating SALN form. Ito ang pinirmahan po ni Chief Justice sa kanyang SALN form. Kung pwede po ipakita po diyan, “I hereby certify to the best of my knowledge and information that these are the true statements of my assets, liabilities, net worth, business interest and financial connections, including those of my spouse and unmarried children below 18 years of age, as required by , and in accordance with Republic Act No. 6713. Ayan po. Nakapirma po siya doon at nakalagay po doon o sa unang paragraph, required by and in accordance with Republic Act No. 6713. Ang requirement nga ng 6713, maski na anong pera mo, maski na nakatago, i-decalre mo dahil hindi—kaya po, maski naman po iyong peso, may secrecy rin naman po naman iyan a. There is also secrecy in peso deposits, but you also have to declare because ang ipinagbabawal po ng 6426 is anyone looking into the account of a depositor. Hindi po pwedeng ibigay ng bangko iyon pero iyong nagmamay-ari po ng deposito, kailangan, ideklara po niya kung magkano ang pera niya sa bangko dahil kung hindi po, napakasamang interpretasyon po nito, lahat po ng gustong magtago ng pera ay bibili po ng dollar o foreign currency unit para hindi niya po ide-declare sa SALN, e kawawa po naman ang ating bansa.

So, very clear po, si Chief Justice po, pwede siyang—dalawang batas po ito, 6426 at saka 6713. Iyong 6713, sabi niya, dapat ideklara mo kung ano iyong pera mo, kamay mo man o nasa bangko. Iyong isa naman, bawal sa bangko maglahad kung ano iyong deposito. He can—he has the option to obey the law. What does he wish to obey? E di i-declare niya po iyong pera niya, ano naman ang violations sa 6426 kung i-declare niya kung ano ang pera nila sa bangko, wala pong violation. In fact, pwede nga niyang iladlad at katulad nga ng ginawa niya dito, ipinagmamalaki po niya na sila na raw po ang unang nag-waive ng kanilang deposits. So, very clear po iyong mga sinasabi ni Chief Justice about 6426 ay “palusot”. Hind side lang po iyan dahil nahuli po at tulad din po iyong mga $2.4 million niya na binili niya noong 2:1 po lamang iyon, maski ano pong kwenta ang gawin natin, hindi po aabot iyon. At kung totoo naman po iyong sinabi niya na noon pa, bago siya pumasok sa gobyerno, nakaipon na siya ng ganoong kalaking pera, e di ibig sabihin noon, all these years, nandoon po iyong pera niya, pero kung tingnan po iyong SALN niya, noong unang pumasok sa gobyerno ay mayroon pa siyang car loan na P300,000, may utang pa siya na P300,000 para sa kotse. E milyun-milyon pala iyong pera niya, bakit pa siya mangungutang ng P300,000 para sa kotse niya?

At noong sumunod na mga taon po, makikita sa SALN, may utang din po siyang P1 million sa mga bangko. E milyun-milyon pala iyong kaban niya, bakit ka mangungutang kung ang dami mong pera? Ganoon na rin po iyong bumale siya sa Basa-Guidote ng P11 milyon, bakit ka babale sa Basa-Guidote, e kanya rin pala iyon, sa kanya rin pala iyong pera at iyon ay tatalakayin ko po sa susunod.

Pang-apat na palusot, the Chief Justice, sa testimonya ni Ginoong Corona, inamin din niyang mayroon siyang P80 milyon na hindi niya idineklara, ang mga ito sa kanyang SALN. Ang palusot ni Justice Corona, hindi siya obligadong ideklara ito dahil co-mingled o halo-halong pondo at hindi lang siya ang nagmamay-ari ng milyones na ito. Kung totoo ito, bakit sa kanya lamang nakapangalan ang deposito? Alam naman po natin, pwede namang joint account saka lahat-lahat para kung ilan po. At saka medyo nakakalito po na siya, namimili ng dollar, mula’t mula pa noong 2:1 tapos iyong anak niya na nasa Amerika na kumikita ng dollar ay ipinapalit naman niya ng peso. At si Czarina daw ay may P15 million o may P10 million, hindi kop o maintindihan at mayroon po siyan P80 million, e bakit hindi niya ipalit sa dollar iyon para mas okay, pero hindi ho, nahuli lang po na iyon ang hawak niya kaya iyong mga palusot po, minsan, mahirap, hindi po magtugma-tugma. We tend to contradict ourselves if we do not tell the truth.

In the case of Fultron vs. Ironworks and China Banking, a depositor is presumed to be the owner of the funds standing in this name in a bank deposit. Natural po, siya ang nakapangalan doon at kung ako naman po kaya, iyong mga anak ko po, sa edad ko pong ito, ibinibigay ko pa nga iyong pera ko sa pondo nila para kung may mangyari, po sa akin, e di kanila na iyong pera. Ito, baligtad po, dahil na-double heart bypass na, e kung malasin po siya, e di paano pa makukuha iyong pera na P80 million dahil nakapangalan po sa kanya iyan. Babayad ng estate tax, katakot-takot na transaksyon po iyan dahil hindi na malalabas sa bangko iyan kasi hindi naman po totoong co-mingled ito eh palusot lamang po iyon dahil para nga po—hindi naman po idedeklara iyan. At saka kung totoo po iyon, nagtataka po naman kami, ang haba-haba po ng panahon, mula pa noong March 22, kanila na po iyong turn na magbigay ng mga witness, kung sino-sino po pini-prisinta dito hanggang medyo nauubusan na ng pasensya po iyong mga Kagalang-galang na Senador. Kailan ba namin makikita iyong kliyente ninyo? Dahil noon pa sana ay di inilabas na ni G. Corona dito iyong alleged Far East Bank account executive niya para sabihin—ah totoo po na noong ganito ay talagang ganyang kalaki na ang pera ni—at saka control po niya lahat itong records na ito, di dapat nilabas po niya. Ipinakita niya. Maski noong Grade VI ako, nag-iipon na ako, mayroon na akong passbook nito, mayroon akong certificate of deposit. Iyong bank manager lamang po. Pero wala po eh. Maski po iyong mga anak niya na may kontribusyon doon sa pondo, nandoon po nanood sila noong nagte-testify siya, hindi po ba pinasu-subpoena naming iyan, pero hindi pinayagan dahil asawa, mga anak, eh di dapat sila po ang nag-testigo dito. Pero siya po nagtetestigo para doon sa mga anak niya who, we cannot cross-examine. Hindi naman po yata tama iyon. Kaya medyo palusot din po yata iyon dahil kung makikita po natin sa ebidensya, ang laki-laki na noong pera noong Carla Corona Castillo. Sa kanya rin po ibinenta ni Chief Justice iyong bahay at lupa nila for P19 million. Binenta niya kay Carla. Ang sabi ni Chief Justice, kaming mag-asawa hindi namimili ng real estate dahil pinag-aawayan iyan ng mga anak, pero ibinebenta niya iyong property niya doon sa anak niya. Kasi po palusot na lamang po iyan. Kasi nga, noong 2000 po, sunod-sunod ang—buying spree po si Chief Justice eh. Bumili ng condominium dito, bumili ng condominium dito, na hindi po idinedeklara sa kanyang SALN. Napakita na po namin—mga Belagio, Columns and everything. Biglang-bigla noong 2010 SALN, doon laman po lumabas, dineclare niya. Bakit po? Nagbago Presidente eh. Iba na ang Presidente. So, biglang nag-declare ng mga property na binili, pitong taon na ang nakaraan. Iyong isa, limang taon na ang nakaraan, iyong isa tatlong taon na ang nakaraan, biglang-bigla kailangang magbenta sa anak kunyari ng 11 milyon dahil ang dami ko nang napamili ah. Paano ko mae-explain ito. Pero hindi naman niya kailangan i-explain. Aba ang dami kong pera o. Mayroon akong 2.4 million dollars, may 80 milyon pa nga kami. Pero ito po lahat ay maliwanag na palusot.

Susunod po tayo, one last question. Kung ganoong kadami ang pera ni Chief Justice Corona, ay dapat naman po hindi na pinag-aawayan iyong pera ng Basa Guidote. Tingnan po ninyo ang SALN niya, taon-taon binabayaran niya ng one million kuno. 11 million, tapos bababa ng ten, bababa ng 9, bababa ng 8, 7, 6, 5 hanggang kunyari nabayaran na po, eh isang kaban lang naman po iyon. Noong tinanong po ng isang Senador dito, paano ka bumabayad doon. Ibinibigay ko kay Mrs. Ano, cash o tseke. Bahala siya pero idedeposit din doon sa account niya, ‘di po ba?

Bakit ka pa babayad kung sa iyo rin pala iyong pera. E ‘di ba kalokohan na po iyon. Ibibigay mo iyong pera sa misis mo para ideposit din niya sa sarili mong account.

Nakakahilo po pero iyon po ang paliwanag ni Chief Justice.

Your Honors, our nation does not deserve to have a Chief Justice who intentionally and consistently hides the great bulk of his cash assets, reporting in his SALN only a measly 1.97 percent. Wala pa hong 2 percent of his total admitted cash assets. In short, Renato Corona, throughout his tenure in the Supreme Court, concealed from the public 98 percent of his total admitted cash assets amounting to P180 million.

Tatalakayin ko po ng kaunti iyong mga nasabi noong professor ko na si Dean Angeles. Eto po ang sinabi ng Supreme Court doon sa Francisco case at sino po ang sumulat nito? Ito po ang concurring opinion ni Justice Renato Corona. Sabi po niya, “Impeachment under the Philippine Constitution as a remedy for serious political offenses against the people runs parallel to that of the U.S. Constitution whose framers regarded it as a political weapon against Executive tyranny.” It was meant “march to fend against incapacity, negligence or perfidy the chief magistrate.” “Even if an impeachable official enjoys immunity, he can be removed in extreme cases to protect the public.” Si Justice Corona po ang nagsasabi po nito. “Because of its peculiar structure and purpose, impeachment proceedings are neither civil nor criminal. James Wilson described impeachment as confined to political characters, to political crimes and misdemeanour to political punishment.”

"According to Justice Joseph Story." Eto pa rin po iyong ponente ni Justice Corona quoting all these American authorities. “In his commentaries and the Constitution in 1833: Impeachment applied to offenses of a political character not but that crimes of strictly legal character fall within the scope of that power, but that it has a more enlarge operations and reaches what are aptly termed “political offenses”, drawing out of personal misconduct or gross neglect or usurpation or habitual disregard of the public interest various in character and so much indefinable in their actual in volitions that it is almost impossible to provide systematically for them by positive law. They must be examined upon very broad and comprehensive principles of public policy and duty.” Eto po ang definition ni Justice Corona tungkol po sa impeacheable offense.

Ayan po, Your Honors, ‘wag po ninyong palusutin si Chief Justice Corona. Nasabi ko na po minsan dito na ito ay ginintuang pagkakataon po natin. Sinasabi po natin dahil ang impeachment po ay two-step process iyan. Kailangan po magkatugma ang House at saka Senate, kung hindi, wala pong mangyayari. Maski gaano po ka-corrupt o may ginagawang masama iyong impeacheable officer at gusto ng Senado tanggalin, kung hindi po namin isasampa iyong kaso, wala pong kaso. Kasi po nasa sa House of Representatives ang tanging kapangyarihan na magsampa ng impeachment. Ginawa na po namin ang trabaho namin. Sinampa po namin dito iyong complaint at sa tingin po naman namin napatunayan po namin ang kasalanan ni Ginoong Corona.

Kung iyong ordinaryong kawan ng Korte ay tinanggal ng Korte Suprema na pinamumunuan ni Chief Justice Corona dahil sa hindi niya pagdeklara sa kanyang SALN na mayroon siyang maliit na pwesto sa palengke. Opo, inalis po iyong interpreter dahil hindi na nalagay sa SALN niya na may stall siya sa palengke. At dito po sa atin sa Senado, ay palalampasin natin o palulusutin natin na si Renato Corona, eh, good faith naman na hindi niya idineklara iyong kanyang $2.4 million at P80 million, masisira po ang bayan natin. Ang dali naman pong palusutin siya, eh, kung mahulihan po ako ng P50 million, sasabihin ko “Ambag-ambag kami nina Senator Cayetano, sina Senator Marcos, these two, lahat-lahat. Hindi naman po yata pwede, nagkontri-contribution kami sa pondo niya, maski ako lang po ang nakapangalan sa nanay ko po iyan, ang nanay ko eh, condo po niya iyan. Hindi pupwede iyon dahil ang presumption po kung sobra-sobra iyong perang nasa sa iyo, eh, iyan ay galing sa hindi magandang paraan.

Mga Kagalang-galang na Senador, huwag po tayong padadala sa mga palusot at maladramang pahayag ni Chief Justice Corona. Mas maliwanag po kaysa sikat ng araw na inaabuso at binabaluktot po niya ang mga batas para itago po niya ang kanyang mga pera na kung saan nanggaling ay kaduda-duda.

To keep a Chief Justice in office whose gross misconduct and dishonesty are well-established fact will weaken the authority of the Judiciary and undermine the rule of law. For lying under oath before the Senate and the Filipino, Renato Corona should not only be given his wish to be excused as the Chief Justice of the Republic of the Philippines. He should be removed as the Chief Justice of the Republic of the Philippines. It would the greatest service to our nation and people to allow him to stay any minute longer as the head of the Judicial department of our government, the ball wark of truth and justice. The House of Representatives has done its constitutional duty of impeaching Renato Corona and proving his guilt, not only by clear and convincing evidence, but conclusive evidence brought about his admission before the honourable Senate of the charge against him under Article II of the Articles on Impeachment.

Dios ta Ginoo nay Apo, Presidente Juan Ponce Enrile, maraming salamat po mga kagalang-galang na Senador sa inyong pagtanggap ng mainit po sa amin dito sa loob ng halos limang buwan. At sa sambayanang Pilipino, maraming salamat po.