RECIPE: Fried mixed vegetables

ABS-CBN News

Posted at Jul 08 2017 09:58 AM

Tipid ngunit masarap, madaling kainin at lutuin, at higit sa lahat, masustansIya. Ito ang ideyal na ipabaon sa mga anak at ipakain sa pamilya.

Isa sa mga putaheng ito na siguradong ma-e-enjoy ng mga bata at maging ng mga matatanda ay ang fried mixed vegetables.

Upang simulan ang paggawa sa fried mixed vegetables, ihanda ang mga sumusunod na sangkap:

1 tasang arina
4 kutsara ng tinunaw na mantekilya
1/2 tasang tubig na pinagkuluan ng atsuete
iodized salt
2 tasang ginadgad na papaya
2 tasang ginadgad na kalabasa
2-3 tasang mantika

Unang ilagay sa isang bowl ang harina at melted butter, saka lagyan ng tubig na pinagkuluan ng atsuete.

Dagdagan ito ng iodized salt at kaunting tubig.

Haluin hanggang maging makapal ang consistency nito, saka ilagay ang papaya at kalabasang ginadgad.

Kumuha ng isang kutsara ng mixture na ito at bilugin.

Iprito ang mga ito hanggang maging golden brown.

Bisitahin ang Patrol.PH para sa iba pang mga balita.