ALAMIN: Paano aalagaan ang balat ngayong tag-init?

ABS-CBN News

Posted at Apr 15 2017 04:07 PM

Maaaring magdulot ng pagkasunog ng balat o kaya skin cancer ang sobrang pagbababad sa init ng araw.

Ayon sa Department of Health (DOH), mahalagang protektahan ang balat lalo na ngayong tag-init.

Pinapayuhan na iwasan ang pagbibilad sa araw sa pagitan ng 10 a.m. at 3 p.m., kung saan pinakamatindi ang sinag ng araw.

Mainam rin na sumilong sa lilom hangga't maaari, lalo na sa mga lugar katulad ng beach.

Para lalong maiwasan ang sunburn, magsuot ng damit na mahaba ang manggas, gayundin ang mahabang pantalon o palda.

Makakatulong rin ang paggamit ng sunscreen kahit na hindi lalangoy sa dagat.

Para maiwasan ang dehydration, mahalagang uminom ng maraming tubig. Maaari ring gumawa ng mga smoothie o shake mula sa gulay at prutas.

Bisitahin ang Patrol.PH para sa iba pang mga balita.