RECIPE: Sinigang na hipon sa gata

ABS-CBN News

Posted at Mar 12 2018 05:07 PM

Watch more in iWantv or TFC.tv

Isa ang sinigang sa mga paboritong putahe ng mga Pinoy, pero posible pang patingkarin ang lasa nito kapag hinaluan ng gata.

Sa programang "Umagang Kay Ganda," ibinahagi ng guest kusinerang si Rina Viviezca ang kaniyang recipe ng ulam na sinigang na hipon sa gata.

Narito ang mga sangkap na kailangang ilatag:
• 1 ulo ng bawang (tinadtad)
• 2 ulo ng sibuyas (hiniwa)
• 1 kutsarang luya (hiniwa)
• 1 kutsarang luyang dilaw (hiniwa)
• 1/2 kilong hipon
• 1 tasa ng bunga ng kamias o sampaloc
• Paminta
• Asin
• Tubig
• 1 buong niyog (pinakayod at piniga)
• Dahon ng malunggay (optional)
• Dahon ng sili (optional)

Gisahin ang bawang, sibuyas, at luya.

Sunod ay lagyan ng tubig ang mga ginisang sangkap at samahan ng mga bunga ng sampaloc o kamias. Maaaring pisain ang mga kamias kapag lumambot na ang mga ito.

Lagyan ng dinikdik na katas ng ulo ng hipon at paminta.

Kapag kumulo na, ilagay ang laman ng hipon at gata, at saka timplahan ng asin ayon sa panlasa.

Bisitahin ang Patrol.PH para sa iba pang mga balita.