Puhunang pangkabuhayan, handog sa mga umuwing OFW

ABS-CBN News

Posted at Jul 02 2017 12:43 PM | Updated as of Jul 02 2017 10:04 PM

Nitong Mayo lang, dumulog sa Hanap:Buhay ang overseas Filipino worker (OFW) na si Jun Apat. Hindi siya makabalik sa Pilipinas kahit Disyembre pa tapos ang kontrata niya sa isang kumpanya sa Saudi Arabia.

Sa kabutihang palad, nakauwi na si Jun, isang linggo matapos umere ang kanyang kuwento sa TV Patrol Weekend.

Kwalipikado si Jun sa programa ng Overseas Workers Welfare Administration na 'Balik Pinas Balik Hanapbuhay'. Isa itong ayudang pangkabuhayan na ibinibigay sa mga itinuturing na ‘distressed’ OFW.

Ang good news pa, mula P10,000, dinoble at ginawa nang P20,000 ang ibinibigay na cash assistance sa mga OFW.

May mga kailangan lang na isumiteng dokumento para makuha ang ayuda ng gobyerno.

Abangan ang kabuuang detalye sa Hanap:Buhay ulat ni Zen Hernandez mamaya sa TV Patrol Weekend, pagkatapos ng ‘Bet on your Baby’.

Bisitahin ang Patrol.PH para sa iba pang mga balita.